सल्यानमा झाडापखालाका दुई सय बिरामी

२४ जेठ, सल्यान । सल्यान जिल्लामा एक सातादेखि फैलिएको झाडापखालाको प्रकोपका कारण दुई सयभन्दा बढी विरामी परेका छन् ।

लामो समयसम्म परेको खडेरीका कारण स्थानीयबासिन्दा झाडापखालाको प्रकोपबाट प्रभावित भएका हुन् । झाडापखालाको प्रकोपका कारण जिल्लाका दुई दर्जन गाविसका सर्वसाधारण प्रभावित भएका छन् ।

झाडापखालाको प्रकोप बढेपछि विभिन्न स्वास्थ्य संस्थाहरुमा विरामीको सङ्ख्या हृवात्तै बढेको जिल्ला स्वास्थ्य कार्यालय सल्यानले बताएको छ । दैनिक ८/१० जना मात्र विरामी आउने स्वास्थ्य संस्थाहरुमा अहिले दैनिक २५/३० जनासम्म पुग्ने जिल्ला स्वास्थ्य प्रमुख डा विकास देवकोटाले बताउनुभयो ।

जिल्लाका थारमारे, कोटबारा, कोटमौला, कजेरी, चादेकरेन्जी, मार्के, बडागाउँ माझकाडा, निगालचुला, त्रिवेणी, काभ्राका स्थानीयवासी बढी प्रभावित छन् ।कुनै पनि गाविसहरुमा झाडापखाला महामारीको रूपमा फैलिन नदिनका लागि उच्च सर्तकता अपनाइएको जिल्ला स्वास्थ्य कार्यालयले जनाएको छ ।

लामो खडेरी परेपछि झाडापाखालसँगै अन्य रोगहरुका विरामी समेत बढ्न थालेका छन् । अहिले दैनिकजसो स्वास्थ्य संस्थाहरुमा टाइफाइड, जन्डिस, ज्वरोलगायतका विरामीको चाप बढेको स्वास्थ्य संस्थाहरुले बताएका छन् । रासस

आपूर्तिमा कटौती हुँदा तेल अभाव

• निगमले इन्धन दिएन : व्यवसायी

१

काठमाडौ, जेष्ठ २४ - भारतीय आयल निगम (आईओसी) ले शुक्रबारदेखि करिब ७० प्रतिशत पेट्रोलियम पदार्थ कटौती गरेपछि राजधानी लगायत मुलुकको विभिन्न भागमा पेट्रोलियम पदार्थको अभाव देखिन थालेको छ । आयल निगमले बक्यौता तिर्न नसकेपछि आईओसीले कटौती गरेको हो । बजारमा तेलको हाहाकार हुँदै गएपछि आजदेखि पेट्रोलपम्पमा ठूलो सङ्ख्यामा सवारीसाधनको भिड लाग्न सुरु भएको छ ।

निगमका कामु कार्यकारी निर्देशक सुरशेकुमार अग्रवालले पेट्रोलियम पदार्थमा भारी कटौती भएको स्वीकार गरे । 'सरकारले दिने निर्णय गरेको रकम दिएर मात्र अब सहज आपूर्ति गर्न सकिँदैन,' उनले भने, 'मूल्य बढाउन र तीन महिनासम्म लागतमा राखेर सरकारले भन्सार र भ्याट छुट दिनुपर्छ ।' यति गरे चौथो महिनादेखि निगम आफ्नो खुट्टामा आफैं उभिने उनको दाबी छ ।
यसैबीच नेपाल पेट्रोलियम डिलर्स राष्ट्रिय एसोसिएसनले निगमले ३० प्रतिशतभन्दा कम पेट्रोलियम पदार्थ दिएको भन्दै मागअनुसार पर्याप्त आपूर्ति गर्न माग गरेको छ । 'हामीले पर्याप्त पेट्रोलियम पदार्थ दिनुपर्यो भन्दा निगम व्यवस्थापनले सक्दैनौं भन्दै हात उठायो,' मंगलबार आयोजित पत्रकार सम्मेलनमा एसोसिएसनका अध्यक्ष लिलेन्द्र प्रधानले भने । उनले लागत महँगो परे पनि सस्तोमा बेच्नुपरेका कारण निगम घाटामा गएको उल्लेख गर्दै भने, 'जसले सस्तोमा बेच्न लगाएको हो, पर्याप्त आपूर्ति गर्न निगमलाई उसैले पैसा दिनुपर्छ ।'
निगमले आइओसीलाई जेठको दोस्रो साताभित्र बक्यौता भुक्तानी गर्ने लिखित प्रतिबद्धता जनाएको थियो तर त्यस अनुसार रकम उपलब्ध गराउन नसकेपछि तेलको आपूर्ति कटौती भएको निगमले जनाएको छ । सरकारले आपूर्ति सहजताका लागि ऋण दिने बताएपनि दिन ढिलाइ भएको छ ।
 

टाइट टू-पिसमा किमको कामुकता (फोटो फिचरसहित)

यद्यपि टेलिभिजन स्टार तथा हट मोडेल किम कार्दाशिनको लागि बिकिनी पोज कुनै नौलो कुरा होइन । निकै ठूलो जिउमा साँघुरो बिकिनी लगाएर तन्नेरीहरुलाई आयलकायल पार्ने उनको खुबी नै हो । मेक्सिकोको भ्रमणमा रहेकी किमले पछिल्लोपटक पनि आफ्नो सोही खुबी मज्जाले प्रदर्शन गरेकी छिन् ।
मेक्सिकोको सामुदि्रक किनारमा निलो बिकिनीमा मस्ती गरिरहेकी किमको जिउडालबाट जो कोही पनि मन्त्रमुग्ध हुने अवस्था थियो । उनको निकै टाइट ब्राले वक्षस्थलका टाकुरालाई ठूलै दबाब सिर्जना गरिरहेका देखिन्थे र तल्लो वस्त्र पनि मुस्किलले त्यहीँ एउटै अंगमात्र छोप्न कामयावी थियो । बहिनी कोर्टनीको जन्मदिन मनाउन किम मेक्सिको पुगेकी थिइन् । सोही क्रममा उनले भतिजोलाई उचालेर समेत कतिपय पोज दिइन् । एजेन्सी