फेसबुकले भेट्टायो २७ वर्षपछि आफन्तलाई  घरपरिवारबाट करिब तीन दशकसम्म सम्पर्कविहीन हुनुभएका बलखु गाविस ७ का भरत धमलाका लागि फेसबुक परिवारसँग भेट गर्ने गतिलो सहारा बन्यो । धमला घर छाडेर हिँडेको २७ वर्षपछि फेसबुककै सहाराले आफन्तको सम्पर्कमा आउनुभएको छ । बलखुस्थित मामा घरमा जन्मेर १८ वर्षसम्म त्यहीँ हुर्कनुभएका धमला २०४२ सालमा घर छाडेर हिँड्नुभएको थियो । आफन्त तथा घर परिवारले समेत माया मारिसकेका धमला एकहप्ता अगाडि मात्रै एक्कासि मावली भाइ कुमार लुइँटेलसँग फेसबुकमा भेटेर घर परिवारसँग सम्पर्कमा आउनुभएको हो । फेसबुकमा भेट्दा पहिलो पटक त धमलालाई उनका आफन्तले नै चिनेनन्् । मावली भाइ लुइँटेलको फेसबुकमा म भरत धमला दाइ हुँ भनेर आफूलाई चिनाए पनि उहाँलाई सुरुमा नचिनेको लुइँटेलले बताउनुभयो । फेसबुकबाट परिचय दिनुभएका धमलालाई पहिला त चित्रे कुरै भएन, पछि कुराकानी गर्दै जाँदा आफ्नै दाइ पो हुनुहुँदोरहेछ, लुइँटेलले भत्रुभयो, विसं २०२४ मा मामाघरमै जन्मनुभएका धमलाको अठार वर्षको उमेरमा घर छाडेर भागेदेखि नै अत्तोपत्तो थिएन, कहाँबाट चिनेर एक्कासि फेसबुकमा आइपुगे म आफँै अचम्मित छु । फेसबुकमा साथी बनेको ६ महिनापछि उहाँले फेसबुकबाटै आफ्नो मोबाइल नम्बर पत्तो लगाएर टेलिफोनबाट आफ्नो परिचय दिएको दुई महिनापछि घर आएको लुइँटेलले जानकारी दिनुभयो । आशा मारिसकेको छोरो एक्कासि घर आइपुग्दा उहाँका बुबा जयराज र आमा खडमायाको खुसीको सीमा नै रहेन । हामीले त बिर्सिसकेका थियाँ, आमा खडमायाले भत्रुभयो, आस मारिसकेको छोराको अनुहार देख्न पाउँदा औधि खुसी छु । छैन भनेको मान्छे अचानक घर आइपुग्दा घर परिवार मात्र होइन भरतको गाउँमै खुसी छाएको लुइँटेलले बताउनुभयो ।यति लामो समयसम्म घर परिवारसँग सम्पर्कमा नआएका विषयमा परिवारले पनि त्यति चासो नदिएकोजस्तो लागेर सम्पर्कमा आउन नचाहेको बताउँदै धमलाले भारतको मुम्बइस्थित एक जिम क्लबमा काम गरेर जीवन गुजारा गरेको जानकारी दिनुभयो । जिम क्लबमा सामान्य तलबमा जागिर खाएर बस्नुभएका धमलालाई घर आउने खर्च नभएर पनि सम्पर्कभन्दा बाहिर रहेको हुनसक्ने स्थानीयवासीको भनाइ छ । घर छाडेको यतिका वर्षपछि नेपालस्थित आफ्नो घर फर्कन नचाहने दाइ भरतलाई धेरै आग्रहपछि घर बोलाउन सफल भएको लुइँटेलले बताउनुभयो । लामो समयसम्म हराएर भेटिनुभएका उहाँलाई नेपालमै बस्ने व्यवस्था मिलाइदिन सुनसरीको तरहरामा मावलीले केही जग्गासमेत किनिदिएका छन् । उहाँले अब आफू जन्मेको गाउँमै बस्ने योजना बनाएको बताउनुभयो

काठमाडौ, असार १५ - सरकारले साउनदेखि लागू हुने गरी विद्युत् महसुलमा २० प्रतिशत मूल्य बढाएको छ । विद्युत् महसुल निर्धारण आयोगले महसुल बढाउने निर्णय गरेको हो । आयोगले २० युनिटभन्दा कम खपत गर्ने ग्राहकले तिर्नुपर्ने दर भने यथावत् राखेको छ । २० युनिटभन्दा बढी उपभोग गर्नेले बिजुलीको महसुल उपभोगका अधारमा बढी तिर्नुपर्ने छ ।
'साउन १ गतेदेखि औसत २० प्रतिशतका दरले बिजुली महसुल बढ्यो,' आयोगका सदस्य पशुपति मुरारकाले भने । महसुल बढेपछि विद्युत् प्राधिकरणको वाषिर्क घाटा साढे ४ अर्बले घट्ने उनले बताए । अहिले प्राधिकरणको वाषिर्क घाटा ७ अर्ब छ । २०५८ देखि विद्युत् महसुल बढेको थिएन ।
घरायसी प्रयोगमा अब २० युनिटसम्म खपत गर्ने ग्रहकले प्रति युनिट ४ रुपैयाँ, २१ देखि ५० युनिटसम्म ७ रुपैयाँ ३० पैसा, ५१ देखि १ सय ५० युनिटमा ८ रुपैयाँ ६० पैसा,१ सय ५१ देखि २ सय ५० सम्म ९ रुपैयाँ ५० पैसा र २ सय ५१ भन्दा माथि प्रति युनिट ११ रुपैयाँ शुल्क लाग्ने छ ।

बिकिनी लगाएका तरुनीले पढाउने स्कूल

सोँच्नुहोस् त त्यस स्कुलको हाल के होला जहाँ महिला शिक्षिकाहरु कक्षाकोठामा बिकिनी लगाएर विद्यार्थीलाई पढाउँछिन् । शिक्षिकाहरुले बिकिनी लगाउन थालेभने कक्षामा पढ्ने किशोर विद्यार्थीहरुको मन कति कुत्कुत्याउला ? हाम्रा स्कुलमा त यो कुरा सोँच्न पनि सकिन्न । तर छिमेकी देश चीनमा एउटा यस्तो स्कुल छ जहाँ कपडाको नाममा केबल बिकिनी लगाएका शिक्षिकाहरुले विद्यार्थीलाई पढाउने गर्छन् ।
चीनको एक अनलाइन भाषा स्कूलमा सेक्सी मोडेलहरु शिक्षिकाको रुपमा बिकिनी लगाएर कक्षाकोठामा प्रवेश गरी पढाइरहेका हुन्छन् । यो अनलाइन स्कुलमा पढ्ने विद्यार्थीहरुलाई मन्दारिन भाषा सिकाइन्छ । यो स्कुल अघिल्लो वर्षको डिसेम्बर महिनादेखि संचालनमा आएको थियो ।
आफ्नो यस्तो अनौठो शैलीका कारण यो अनलाइन स्कूलले जबरजस्त रेस्पोन्स हाँसिल गरिरहेकेा छ । यसको पहिलो पाठ ह्वाट टाइम इज इट मा मात्र ३ लाख भन्दा बढिले क्लिक गरिसकेका छन् । यो क्लासमा दुइजना मोडेलहरु बिछ्यौनामा बसेर एकअर्कासँग कुराकानी गरिरहेका हुन्छन् ।
यद्यपि यो अनलाइन स्कूलले विरोधको पनि सामना गर्नुपरेको छ । केही महिला संगठनहरुले यो स्कूलको विरोध गरेका छन् । तथापि यो स्कूल आफ्नो फरक पहिचानलाई कायम राख्दै अघि बढिरहेको छ ।