फर्निचर पसलमा बन्यो हेलिकोप्टर (फोटो फिचर)

 

०

काठमाडौ, जेष्ठ २२ - काठमाडौंको नीलोपुलमा फर्निचर उद्योग सञ्चालन गरेका अनिल गौतमले हेलिकोप्टर बनाएका छन् । बुटवल स्थायी घर भएका गौतमले बनाएको हेलिकोप्टरमा २ सय सीसीको पल्सर मोटरसाइकलको इन्जिन प्रयोग भएको छ । २६ वर्षका अनिलले १८ महिनाको अथक प्रयासमा हेलिकोप्टर बनाउँदा करिब ३० लाख खर्चेको परिवारले जनाएका छन् ।
औपचारिक शिक्षा कक्षा ४ सम्म मात्र रहेका गौतमले भने, 'फर्निचर पसलबाट बचेको समय यसमा खर्चेको हुँ ।' उनले अनुमति पाए हेलिकोप्टर उडाउन तयार भएको बताए । पारिवारिक प्रेरणाले उत्साही भएको बताउने गौतम आफूजस्ता नयाँ काम गर्न चाहने युवालाई सरकारले सहयोग गरे सलिलो हुने बताउँछन् । त्रिलोक एयर नाम दिइएको हेलिकोप्टरमा चालकसहित ३ जना बस्न मिल्ने बनाइएको छ ।

बृहत मोर्चाद्वारा प्रधानमन्त्रीलाई पदमुक्त गर्न माग

क्त गर्न माग

 

काठमाडौ, जेष्ठ २२ - बृहत मधेशी मोर्चाले प्रधानमन्त्री बाबुराम भट्टराईलाई तत्काल पदमुक्त गरी राष्ट्रिय सहमतिको बाटो खोल्नका लागि राष्ट्रपति रामवरण यादवलाई आग्रह गरेको छ । मोर्चाका नेताहरु सोमबार शितल निवास पुगरे राष्ट्रपतिलाई त्यस्तो आग्रह गरेको हो ।
निर्वाचनको घोषणा असंवैधानिक भएको भन्दै मोर्चाले बिरोध गर्दै आएको छ । मोर्चाका नेता उपेन्द्र यादवले प्रधानमन्त्री भट्टराईलाई पदमुक्त गरी राष्ट्रिय सहमतिका लागि बाटो खोल्न राष्ट्रपति समक्ष आग्रह गरेको ईकान्तिपुरलाई बताए । उनले सर्वपक्षीय गोलमेच सम्मेलन गरी मुलुकलाई निकासका लागि पहल लिन पनि राष्ट्रपतिलाई आग्रह गरिएको जनाए ।
प्रत्युत्तरमा राष्ट्रपति यादवले संविधानसम्मत ढंगले आफूले कदम चाल्ने बताएका थिए । उनले सबै पक्षसंग छलफल र परामर्शपछि संविधानसम्मत ढंगले अघि बढ्ने बताएको यादवले जानकारी दिए ।
संविधानको संरक्षक रहेका राष्ट्रपतिलाई गाँठो पुकाउने अधिकार रहेकाले उनलाई अग्रसरतका लागि आग्रह गरिएको यादवले बताए । प्रधानमन्त्री पदमुक्त नभएसम्म सहमतिको वातावरण नबन्ने उनको भनाई थियो । मोर्चाले राष्ट्रपतिलाई लिखित रुपमा राष्ट्रपतिको ध्यानाकर्षण गराएको हो ।
 

::

जिप दुर्घटनामा स्थानेश्वर देवकोटा सहित दुईको निधन

(0 Votes)

• 
  
• 1
• 2
• 3
• 4
• 5

•     
•     
•     
•     

प्रताप विष्ट

स्व‍ स्थानेश्वर देवकोटा

हेटौडा , जेष्ठ २२ - जिप दुर्घटनामा बैदेशिक रोजगार प्रवर्द्धन बोर्डका कार्यकारी निर्देशक स्थानेश्वर देवकोटा सहित दुई जनाको निधन भएको छ । मृत्यु भएका अर्को व्यक्तिको नाम खुलेको छैन ।

काठमाडौंबाट हेटौडा आउँदै गर्दा भिमफेदी-८ जुरिखेतमा देवकोटा चढेको बा.८.प ४६१८ नम्बरको पिकअप जिप सडकबाट दुई सय मिटर तल पल्टेको छ । घुमाउरो बाटोमो जिप नियन्त्रण हुननसक्दा पल्टेको प्रारम्भिक अनुमान गरिएको छ । जिप चालक राजकुमार तामाङ गम्भीर घाइते भएका छन् । दुर्घटना बिहान साढे ९ मा भएको प्रहरीले जनाएको छ । मृतक दुवैजनाको शव हेटौडा अस्पतालमा राखिएको छ । घाइतेको उपचार भइरहेको छ । घटनास्थल भिमफेदी बजारभन्दा ३ किलोमिटर माथि पर्छ । मृतक देवकोटा विभिन्न जिल्लामा प्रमुख जिल्ला अधिकारी भएर काम गरेका थिए । उनी केही वर्ष अगाडि गृहमन्त्रालयबाट अनिवार्य अवकाश पाएदेखि बोर्डको कार्यकारी निर्देशक नियुक्त भएका थिए ।

 

संविधानसभा व्युतन सक्दैन् : प्रधानमन्त्री

 

२२ जेठ, काठमाण्डौं । प्रधानमन्त्री डा बाबुराम भट्टराईले संविधानसभालाई कुनै हालतमा पनि व्युताउन नसकिने बताउनुभएको छ । काँग्रेसका पूर्व सभासद्हरु संविधान सभा व्युताउने कसरतमा लागेका बेला प्रधानमन्त्रीको यस्तो भनाई सार्वजनिक भएको हो । उहाँले भारतीय पत्रिका हिन्दुसँग कुराकानी गर्दै संविधान सभा पुर्नस्थापनाको बाटो गलत रहेको बताउनुभयो ।

जनताको म्याण्डेड अनुसार काम गर्न नसक्ने भएकाले काँग्रेस र एमालले निर्वाचन प्रक्रियालाई आत्मसाथ नगरेको पनि प्रधानमन्त्रीले आरोप लगाउनुभयो ।

सहमति विना कुनै काम अघि बढ्न नसक्ने भएकाले सहमतिकालागि कदम अगाडी बढाउन आग्रह गर्दै जनताको म्याण्डेड अनुसार काम गर्न आग्रह गर्नुभयो ।