पोखरामा भूकम्प गयो, प्रहरी कार्यालय र घर भत्किए

• भूकम्प ५ दशमलव १ रेक्टर स्केलको

पोखरा, जेष्ठ २७ - कास्की जिल्लामा शनिबार दिउँसो गएको भूकम्पले इलाका प्रहरी कार्यालय हंसपुरको भवन र लेखनाथ नगरपालिका, १० तालबेसीमा २ घर चर्किएका छन् ।
दिउँसो १ बजेर ३९ मिनेटमा ५ दशमलव १ रेक्टर स्केलको भूकम्प गएको भूकम्प मापन केन्द्रले जनाएको छ । प्रहरीका अनुसार राधाकृष्ण सुवेदी र उनका छोरा शिवराजको कच्ची घरको पछाडिको भित्ता र इलाका प्रहरी कार्यालयको भवन पनि केही चर्किएको छ ।
पोखरा विमानस्थलबाट २३ किलोमिटर उत्तर थुमकोडाँडा र  नामार्जुङ गाविस सीमा केन्द्रबिन्दु भएर भूकम्प गएको थियो । भूकम्पको झड्का पोखरा र आसपासका गाउँबासीले महसुस गरेका थिए ।